Құрметті жолаушылар!
6-7 қараша күндері Астана қаласында қолайсыз ауа райы, атап айтқанда қатты жел салдарынан, ұшақтарды мұздануға қарсы өңдеу (деайсинг) мүмкін болмай отыр, сондықтан рейстер кешігуде немесе мәжбүрлі түрде тоқтатылуда. QAZAQ AIR әуекомпаниясы жолаушыларға қолайлы жағдай жасау үшін барлық қажетті шараларды қабылдауда.
Естеріңізге сала кетейік, кез келген рейстің кешігуі немесе тоқтатылуы – ең алдымен ұшу қауіпсіздігіне байланысты. QAZAQ AIR әуекомпаниясы үшін жолаушылардың қауіпсіздігі — басты басымдық.
Әуежайға жол тартпас бұрын әуекомпанияның колл-орталығы және әуежайлардағы табло арқылы рейс уақытын алдын ала тексерулеріңізді сұраймыз. Ұшу және қону уақытының өзгеруі туралы ақпарат жолаушыларға SMS хабарлама және электрондық пошта арқылы билетті сатып алу кезінде көрсетілген мекенжайға жіберіледі.
Сұрақтарыңыз туындаған жағдайда, тәулік бойы жұмыс істейтін жолаушыларды қолдау қызметіне мына нөмір арқылы хабарласуыңызды сұраймыз: +7 727 353 1414 немесе info@flyqazaq.com электрондық поштасына жазуыңызды өтінеміз. Сондай-ақ рейс мәртебесін әуежай сайттарындағы онлайн-табло бөлімінен тексеруге болатынын еске саламыз.