QAZAQ AIR әуе компаниясы өңіраралық әуе тасымалын дамыту мақсатында 2024 жылғы 1 қаңтардан бастап Астанадан Жезқазғанға ұшуды қайта бастайды. Рейстер күн сайын канадалық de-Havilland Dash 8-Q400 заманауи әуе лайнерлерінде орындалады. Бір бағыттағы билеттердің құны 18 000 теңгеден басталады.
Ұшу кестесі (жергілікті уақыт бойынша):
IQ 389 Астана 09: 55 – Жезқазған 11: 00
IQ 390 Жезқазған 11:35 – Астана 12: 45.
«Ұлытау өңірі өзінің киелі жерлерімен және тарихтың түрлі дәуірлеріндегі ескерткіштерімен саяхатшылардың назарын аударады. Бүгінгі таңда облыста 500-ге жуық тарих және мәдениет ескерткіштері бар. Елордадан тарихи мекенге күнделікті рейстерді ашу – халқымыздың тарихи-мәдени мұраларына деген қызығушылықты күшейтеді, саяхатшылардың санын арттырады», – деп атап өтті QAZAQ AIR әуе компаниясының коммерциялық директоры Сүлейман Мирзаев.
Билеттерді бүгіннен бастап flyqazaq.com ресми сайтынан, сондай-ақ әуекомпанияның сату кеңселерінде брондауға және сатып алуға болады.
Билеттерді сатып алу кезінде www.flyqazaq.com сіз борттағы орынды алдын ала брондауға, багаждың немесе қол жүгінің көлемін арттыруға, борттық тағамға тапсырыс беруге, үй жануарлары мен спорттық жабдықтарды тасымалдауға бірден тапсырыс бере аласыз.