Салтанатты жиналыста “QAZAQ AIR” АҚ Басқарма төрағасының м.а. Әділбек Өміралиев компания қызметкерлерін Республика күнімен құттықтап, олардың кәсібилігі мен елдің дамуына қосқан үлестерін атап өтті.
Әуекомпания қызметкерлері Құрмет грамоталарымен, “Еңбек ардагері” медалімен және “Құрметті авиатор”төсбелгілерімен марапатталды. “Еңбек ардагері” медалімен ұшуды ұйымдастыру жөніндегі директордың м.а. Танос Лазарос марапатталды. “Құрметті авиатор” төсбелгісін техникалық ұшқыш, әуе кемесінің командирі Әбілмәжінов Ганиден, сондай-ақ логистика бөлімінің жетекші маманы Қанапиева Гүлбағила алды.
Экономикалық дербестікті дамытуға қосқан үлесі үшін бірқатар қызметкерлер әуекомпания басшысының алғыс хатына ие болды. Олар: Сүлейменов Жандарбек, Смағұлова Айгүл, Нұрлыбек Динара, Баубеков Арсланбек, Нұрманов Ержан, Төлеубай Еркебұлан, Асқаров Талғат, Набиуллина Дина, Оспанов Ернар, Әлімбекова Жібек, Ниязов Сұлтан, Исабеков Бақтияр, Жұманов Сәкен және Өтепова Маликабану.
Әріптестерімізді құттықтаймыз және жұмыста табыс пен зор денсаулық тілейміз!