QAZAQ AIR әуекомпаниясы қысқы спорттық жабдықтарды тегін тасымалдайтын болады. 2024 жылдың 1 қарашасынан 31 желтоқсанына дейін жолаушылар шаңғы және сноуборд жабдықтарын, сондай-ақ конькилерді тегін алып жүре алады (акция хоккей жабдықтарына қолданылмайды). Бұл ұсыныс субсидияланған бағыттардағы рейстерге қолданылмайды.
Қызметті қалай рәсімдеуге болады:
Спорттық жабдықтарды тегін тасымалдау қызметін әуекомпанияның www.flyqazaq.com ресми сайтында немесе байланыс орталығының +7 727 3561414 нөміріне қоңырау шалу арқылы рәсімдеуге болады. Ұшу қауіпсіздігін қамтамасыз ету және жолаушылар мен әуекомпания мүлкінің зақымдалмауын қамтамасыз ету мақсатында өтінімді ұшу уақытына дейін кемінде 24 сағат бұрын жіберу қажет.
Жабдықтар жиынтығына не кіреді:
- Шаңғы жабдығы: бір жұп шаңғы, бір жұп шаңғы таяқшасы, бір жұп аяқ киім және бір дулыға . Әр заттың ұзындығы 170 см-ден аспауы керек.
- Сноуборд жабдығы: бір сноуборд, бір жұп аяқ киім және бір дулыға, әр заттың ұзындығы 170 см-ге дейін болуы керек.
Жолаушыларға тасымалдау кезінде жабдықтарының сақталуын қамтамасыз ету үшін оларды мұқият орауды ұсынамыз.
Шаңғы, сноуборд немесе коньки жабдықтарын тегін алып жүру мүмкіндігін пайдаланып, QAZAQ AIR әуекомпаниясымен қысқы демалысыңызды есте қаларлықтай өткізіңіз!