QAZAQ AIR әуекомпаниясы Қазақстан бойынша рейстердің географиясын кеңейтуде. Жаңа 2023 жылдың басынан бастап Алматыдан Көкшетауға аптасына 3 рет тікелей әуе қатынасы және Астанадан Петропавлға күнделікті рейстер іске қосылады.
Алматы – Көкшетау – Алматы бағыты бойынша ұшулар дүйсенбі, жұма және жексенбі күндері орындалады. Билет тұрақты құны бір бағытқа 27000 теңгені құрайды.
Астана – Петропавл – Астана рейстері бойынша билет бағасы бір жаққа 12000 теңге тұрады.
14 жасқа дейінгі балаларға компания 50% көлеміндегі жеңілдік ұсынады. Қолжүгін тасымалдау нормасы 5 кг, жолжүктікі – 20 кг. Ұшу датасы мен билеттерді қайтару кезінде ақша ұсталмайды.
Билеттерді flyqazaq.com ресми сайтынан, сондай-ақ әуекомпанияның сату кеңселерінде брондауға және сатып алуға болады.
Естеріңізге сала кетейік, авиакомпания барлық бағыттарда спорттық жабдықтарды (шаңғы жабдықтары, сноуборд жабдықтары, мұзда сырғанауға арналған конькилер) тегін тасымалдау бойынша барлық қысқы кезеңге акция өткізеді.