QAZAR AIR әуекомпаниясы 27 қазаннан бастап Астанадан Жезқазғанға күнделікті тұрақты рейстерді келесі кесте бойынша орындайтын болады:
Дүйсенбі, сәрсенбі, жұма және жексенбі күндері:
IQ 389 Астана (07:35) – Жезқазған (09:10)
IQ 390 Жезқазған 13:50) – Астана (14:45)
Сейсенбі, бейсенбі және сенбі күндері:
IQ 389 Астана (07:35) – Жезқазған (09: 00)
IQ 390 Жезқазған (09:40) – Астана (11: 00).
Жезқазған тұрғындарына Астана арқылы Петропавл, Омбы, Новосібір, Екатеринбург, Қостанай, Қызылорда және Алматыға қосылатын ыңғайлы рейстер қарастырылған.
«Бұл – біздің әуекомпаниямыздың бірегей бағыттарының бірі. Әлеуметтік маңызы бар өңірлердің көліктік қолжетімділігін арттыру – QAZAQ AIR әуекомпаниясының басты міндеттерінің бірі. Рейстер санын арттыру арқылы Ұлытау облысының жолаушылар ағынын арттыра алатынымызға сенімдіміз», – деп атап өтті әуекомпания ресми өкілі Ақбота Орынбаева.
Билеттерді www.flyqazaq.com ресми сайтынан, сондай-ақ әуекомпанияның сату кеңселерінде брондауға және сатып алуға болады. Әуе билеттерін сатып алу кезінде сіз борттағы орынды алдын ала брондауға, багаждың немесе қол жүгінің көлемін арттыруға, борттық тағамға тапсырыс беруге, үй жануарлары мен спорттық жабдықтарды тасымалдауға өтініш білдіре аласыз.
QAZAQ AIR – Қазақстанда және көрші мемлекеттердің шекаралас аумақтарында өңіраралық әуе қатынасының қолжетімділігі үшін ұйымдастырылған маршруттық желісі бар қазақстандық әуе компаниясы. Ол рейстерді Халықаралық және Ұлттық ұшу қауіпсіздігінің жоғары стандарттарына сәйкес орындайды. Компанияның хабы Астана қаласында орналасқан.