“QAZAQ AIR” АҚ акцияларын сату бойынша конкурс өткізілмеді деп танылды

«Самұрық-Қазына» АҚ 2023 жылғы 18 тамызда жарияланған «QAZAQ AIR» АҚ-ның 49%-дан бастап 100%-ға дейінгі акцияларын сату бойынша ашық екі кезеңді конкурстың өткізілмегені туралы хабарлайды. 

«Самұрық-Қазына» АҚ Директорлар кеңесінің 2020 жылғы 14 желтоқсандағы № 181 шешімімен бекітілген «Самұрық-Қазына» АҚ-ның және дауыс беретін акцияларының (қатысу үлестерінің) елу және одан көп пайызы меншік немесе сенімгерлік басқару құқығымен «Самұрық-Қазына» АҚ-ға тікелей немесе жанама тиесілі ұйымдардың акцияларын бәсекелес ортаға беру қағидаларының ережелеріне сәйкес жаңа екі кезеңді ашық конкурсты өткізу жоспарланып отыр. Жаңа конкурсты өткізу мерзімдері мен оның шарттары белгіленген тәртіппен анықталатын болады.