11 қыркүйекте Бішкек қаласының әуежайына QAZAQ AIR әуекомпаниясының IQ 541 рейсінің ұшағы қонды. «Алматы – Бішкек — Алматы» жаңа рейсі дүйсенбі, сәрсенбі және жұма күндері тұрақты түрде жүзеге асырылатын болады. Алматыдан Бішкекке ұшу уақыты сағат 09: 50-де (жергілікті уақыт бойынша). Қайту рейсі 11:50-де Алматыға 12:50-де келеді.
«Манас» халықаралық әуежайы жаңа тұрақты рейстің лайнерін дәстүрлі су доғасымен қарсы алды. Жолаушыларды Қырғыз ұлттық киімдеріндегі қыздар тәттілермен жылы қарсы алды.
QAZAQ AIR әуекомпаниясының баспасөз қызметі атап өткендей, жаңа тұрақты әуе қатынасы туристік және іскерлік жолаушылар ағынын тартып қана қоймай, екі елдің көптеген салалардағы ынтымақтастығына оң әсерін тигізеді.
Жолаушы Қасым Мұхаммед Бішкекке алғаш рет ұшып келді. Оның айтуынша, ұшу өте жайлы өтті, әрң уақыттың жылдам өткені байқалмай қалды. Ол әуе компаниясына өркендеу мен қауіпсіз рейстер тілей отырып, алдағы уақытта рейстер саны көбейетініне сенім білдірді.
Естеріңізге сала кетейік, әуе билеттерін компанияның www.flyqazaq.com ресми сайтынан, сондай-ақ +7 727 356 1414 байланыс орталығының операторлары арқылы сатып алуға болады.